 |
| |
|
យោងតាមឯកឧត្តម អ៊ាង សុផល្លែត ជំនួយការសម្ដេចតេជោនាយករដ្ឋមន្ដ្រីឱ្យដឹងថា នៅក្នុង ជំនួបនោះសម្ដេចតេជោនាយករដ្ឋមន្ដ្រី បានចូលរួមអបអរសាទរចំពោះដំណើរវិវត្ដន៍ដ៏ល្អ របស់ ធនាគារ ANZ ROYAL នៅក្នុងប្រទេសកម្ពុជា ដោយមានប្រសាសន៍ថា ការនេះបានចូលរួមចំណែក ក្នុងការទប់ស្កាត់ និង ជម្រុញធ្វើឱ្យមានស្ថិរភាពម៉ាក្រូសេដ្ឋកិច្ច នៅពេលដែលពិភពលោកកំពុងតែ ជួបប្រទះនូវវិបត្ដិហិរញ្ញវត្ថុនោះ។ សម្ដេចតេជោ មានប្រសាសន៍ថា ប្រសិនបើធនាគារ ANZ មានបញ្ហា អ្វីនោះនឹងអាចនាំទៅដល់ការដួលរលំធនាគារ ផ្សេងៗទៀតនឹងក៏នាំទៅដល់ការលំបាករបស់ រាជរដ្ឋា ភិបាលកម្ពុជាផងដែរ ។
ឯកឧត្តម អ៊ាង សុផល្លែត ថ្លែងថា សម្ដេចតេជោនាយករដ្ឋមន្ដ្រីបានស្នើឱ្យធនាគារANZ បន្ដចូល រួមឱ្យបានកាន់តែសកម្មថែម ទៀតនៅក្នុងវិស័យហិរញ្ញវត្ថុនៅកម្ពុជា។ សម្ដេចតេជោថ្លែងថា សេចក្ដីត្រូវ ការរបស់រាជរដ្ឋាភិបាលគឺធនធានខួរក្បាល ដែលធនាគារANZ អាចចូលរួមចំណែកក្នុងការផ្ដល់ យោបល់ក្ដី និង ការផ្ដួចផ្ដើមក្ដីតាមរយៈវេទិការាជរដ្ឋាភិបាល ជាមួយវិស័យឯកជន នោះ ។
សម្ដេចតេជោ ហ៊ុន សែន ក៏បានមានប្រសាសន៍ចូលរួមផ្តល់នូវការរំលែកផលវិបាក ទាំងឡាយ ដែលបានកើតឡើងចំពោះប្រទេសអូស្ដ្រាលី ពាក់ព័ន្ធជាមួយបញ្ហាគ្រោះទឹកជំនន់នាពេល ថ្មីៗនេះផងដែរ ៕
សម្តេចតេជោ សម្ពោធដាក់ឲ្យប្រើបា្រស់ស្ពានមិត្តភាពកម្ពុជា-ចិនទី៣
 |
| |
|
សម្ដេចតេជោនាយករដ្ឋមន្ដ្រីមានប្រសាសន៍ថា ចិនបានមើលឃើញពីឯករាជ្យម្ចាស់ ការរបស់ កម្ពុជាក្នុងការអនុវត្ដដូច្នោះ ភាគីចិន ជានិច្ចកាលបានផ្ដល់នូវការគោរពដល់ការសម្រេចរបស់កម្ពុជា ។ សម្ដេចមានប្រសាន៍ថា ឥណទានដែល បានមកពីប្រទេសចិននោះ ចិនតែងតែគោរពការ ចង់បាន របស់កម្ពុជា ហើយផែនការរបស់ចិនគឺតែងអនុវត្ដរួចរាល់មុនកាល កំណត់ជានិច្ច ហើយប្រទេសចិន និយាយតិច ប៉ុន្ដែធ្វើច្រើន ។
នៅក្នុងសង្កថា សម្ដេចតេជោបានកត់សម្គាល់អំពីសារៈ សំខាន់នៃការកសាងហេដ្ឋារចនា សម្ព័ន្ធ ដោយមានប្រសាសន៍ថា នយោបាយកាត់បន្ថយភាពក្រីក្រ និង ការបែងចែកផ្លែផ្កានៃកំណើន សេដ្ឋកិច្ច ប្រកបដោយសមធម៌ ល្អបំផុតគឺហេដ្ឋារចនាសម្ព័ន្ធនោះហើយ ។ សម្ដេចមានប្រសាសន៍ថា ខ្ញុំសូម និយាយដោយត្រង់ថា ខ្ញុំអត់ជឿ ហើយកាន់តែមិនជឿថា ប្រទេសអាចមានសន្ដិភាពបាន យូរអង្វែង ដោយគ្មានការអភិវឌ្ឍហេដ្ឋារចនាសម្ព័ន្ធតភ្ជាប់នោះទេ ។ ខ្ញុំមិនជឿដាច់ខាតថា បើមិនធ្វើ ហេដ្ឋារចនា សម្ព័ន្ធ ជាពិសេសផ្លូវ ស្ពាន គឺកុំនិយាយដល់ការអភិវឌ្ឍ ហើយក៏មិនចាំបាច់និយាយទៅដល់ការ ធ្វើសមាហរណកម្ម ជាមួយប្រទេសជិតខាង។ សូមកុំនិយាយ បើយើងធ្វើសមាហរណកម្មផ្ទៃក្នុង ខ្លួនឯងមិនទាន់ជាប់ផង តើទៅធ្វើសមាហរណកម្មជាមួយអ្នកណា ។
សម្ដេចតេជោនាយករដ្ឋមន្ត្រី ថ្លែងថា ទស្សនៈវិជ្ជារបស់ខ្ញុំតាំងពីដើមរៀងមកគឺ មូលដ្ឋាន វិនិយោគឱ្យហេដ្ឋារចនាសម្ព័ន្ធជា ផ្លូវ ជាស្ពាន ជាប្រឡាយទឹក និង ធនធានមនុស្ស ។ ខ្ញុំមាន មោទនភាពជាមួយនឹងនយោបាយរបស់គណបក្សប្រជាជន កម្ពុជា និង ជាមួយនយោបាយ របស់ រាជរដ្ឋាភិបាល ដែលខ្ញុំដឹកនាំព្រោះការតភ្ជាប់នេះគឺវាបានបង្កើតឡើងនូវស្ថានភាព ប្រទាក់ក្រឡាគ្នារវាង ប្រជាពលរដ្ឋ និង ប្រជាពលរដ្ឋ រួមជាមួយនឹងការដឹកជញ្ជូនផងដែរ ។
ស្ពានព្រែកតាមាក់បានក្លាយទៅជាស្ពានមិត្ដភាពកម្ពុជា-ចិនទីបី ដែលកន្លងមកបានសម្ពោធ ដាក់ឱ្យប្រើប្រាស់ជាបន្តបន្ទាប់រួចមកហើយគឺ ស្ពានមិត្ដភាពកម្ពុជា-ចិនសេកុង ខេត្ដស្ទឹងត្រែង ស្ពាន មិត្ដភាពកម្ពុជា-ចិនព្រែកក្ដាមឆ្លងកាត់ទន្លេសាប និងស្ពានព្រែកតា មាក់ឆ្លងកាត់ទន្លេមេគង្គដែល បាន សម្ពោធនេះ ។
ឯកឧត្តម ផាន គ័ងស៊ា ឯកអគ្គរដ្ឋទូតសាធារណរដ្ឋប្រជាមានិតចិន ប្រចាំព្រះរាជាណា ចក្រកម្ពុជាបានថ្លែងថា ស្ពាន ធំៗទាំងអស់នេះគឺជាខ្សែបូរមួយមិនត្រឹម តែតភ្ជាប់ពីទន្លេម្ខាង ទៅ ទន្លេម្ខាងទេ ព្រមទាំងបានតភ្ជាប់ចិត្ដប្រជាជនចិន និងប្រជាជនកម្ពុជា ហើយក៏ជាស្ពានមិត្ដភាព និងស្ពានសហប្រតិបត្ដិការផងដែរ។ ឯកឧត្តមឯកអគ្គរដ្ឋទូតមានប្រសាសន៍ថា រដ្ឋាភិបាលចិនប្រកាន់ យកការស្រុះស្រួលជាមួយអ្នកជិតខាង និង យកអ្នកជិតខាងជាដៃ គូរធ្វើជានយោបាយការបរទេស គាំទ្រយ៉ាងពេញទំហឹងនូវការកាត់បន្ថយភាពក្រីក្រ និង ខិតខំអភិវឌ្ឍសេដ្ឋកិច្ចរបស់រាជរដ្ឋាភិបាលកម្ពុជា និង សង្ឃឹមអាចឃើញប្រទេសកម្ពុជារក្សាគំរូអភិវឌ្ឍ ដោយឯករាជ្យម្ចាស់ការខ្លួនឯង កាន់តែងាយស្រួល ធ្វើសមាហរណកម្មក្នុងតំបន់ និង ក្នុងសង្គមអន្ដរជាតិ ព្រមទាំងយល់ព្រមនៅក្នុងសិទ្ធិលទ្ធភាព ដែល អាចធ្វើបានបន្ដនូវការផ្ដល់ជំនួយជូនប្រទេសកម្ពុជា ។
ឯកឧត្តម ផាន គ័ងស៊ា មានប្រសាសន៍ថា យើងខ្ញុំមានសេចក្ដីរីករាយណាស់ដោយបាន មើលឃើញដើមឈើនៃកិច្ចសហប្រតិបត្ដិការមានផលប្រយោជន៍ និង ឈ្នះទាំងអស់គ្នានេះកំពុង តែដុះ ចេញជាផ្លែផ្កាកាន់តែស្ដុកស្ដមថែមទៀតនោះ ។
ឯកឧត្ដម ត្រាំ អ៊ីវតឹក រដ្ឋមន្ដ្រីក្រសួងសាធារណការ និងដឹកជញ្ជូនថ្លែងឲ្យដឹងថា ស្ពានព្រែក តាមាក់មានប្រវែង ១០៦៦ ម៉ែត្រ ទទឹង ១៣,៥ ម៉ែត្រសាងសង់ទៅតាមបទដ្ឋានបច្ចេកទេស កម្រិតថ្នាក់ទី ១ នៃសំណង់សាធារណរដ្ឋប្រជាមានិតចិនចំណាយថវិកាសរុបអស់ចំនួន ៤៣ ៥០៣ ៦១៩ ដុល្លារសហរដ្ឋអាមេរិក ដែលក្នុងនោះថវិកាកម្ចីពីប្រទេសចិនចំនួន ៤១ ៣២៥ ៤៣៨,០៥ ដុល្លារអាមេរិក និង ថវិការបស់រាជរដ្ឋាភិបាលកម្ពុជាចំនួន ២ ១៧៨ ១៨០,៩៥ដុល្លារសហរដ្ឋអាមេរិក។ ឯកឧត្ដមរដ្ឋមន្ដ្រីមានប្រសាសន៍ថា ស្ពានឆ្លងកាត់ទន្លេមេគង្គតភ្ជាប់ផ្លូវជាតិលេខ ៦ ទៅផ្លូវជាតិលេខ ៨ ត្រង់ស្រុកខ្សាច់ កណ្ដាលនេះបានប្រើប្រាស់ចំណែកនៃប្រាក់កម្ចីចំនួន ៣០០ លានដុល្លាររបស់ រដ្ឋាភិបាលនៃសាធារណរដ្ឋប្រជាមានិតចិន និង ថវិកាបដិភាគចំនួន ៥%របស់រាជរដ្ឋាភិបាលកម្ពុជា ។
ឯកឧត្ដមរដ្ឋមន្ដ្រីថ្លែងថាក្រុមហ៊ុន (SHANGHAI Construction (GROUP) General Company ) ដែលជាអ្នកអនុវត្ដគម្រោងបានបញ្ចប់ការដ្ឋានស្ពានព្រែកតាមាក់ មុនផែនការកំណត់ រយៈពេល ១២ ខែបន្ទាប់ពីបានបើកកាលពីខែមិថុនា ឆ្នាំ ២០០៧ ហើយដែលមានក្រុមហ៊ុន Guangzhou Wanan Construction Supervision ជាទីប្រឹក្សាត្រួតពិនិត្យបច្ចេកទេស។
ក្រុមហ៊ុនមកពីប្រទេសជប៉ុនមាន គម្រោងការ បង្កើតរោងចក្រផលិតម៉ូទ័រនៅកម្ពុជា
 |
| |
|
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្រ្តី ឱ្យដឹងថា សម្ដេចតេជោ មានប្រសាសន៍ថា ម៉ូទ័រជាបេះដូងរបស់គ្រឿងចក្រ ហើយជាបច្ចេកវិទ្យាថ្មីមួយដែលទើបនឹងនាំចូល មក ក្នុងប្រទេសកម្ពុជា ដូច្នោះយុទ្ធសាស្ដ្រជាចម្បងនាពេលនេះគឺធ្វើយ៉ាងណា ឱ្យរោងចក្រផលិត ម៉ូទ័រនេះ ទទួលបានជោគជ័យ ។ សម្ដេចតេជោ ហ៊ុន សែន មានប្រសាសន៍ថា ក្រុមហ៊ុនត្រូវ បន្ដសហការ ជាមួយក្រ សួងការងារ និង បណ្ដុះបណ្ដាលវិជ្ជាជីវៈ និង ក្រុមប្រឹក្សាអភិវឌ្ឍកម្ពុជា(CDC)ដើម្បីរៀបចំ នូវលក្ខខណ្ឌក្នុងការជ្រើសរើសពលករមកធ្វើការនៅក្នុងរោងចក្រ ក៏ដូចជាការរៀបចំជ្រើសរើស ពលករ ទៅបណ្ដុះបណ្ដាលនៅក្រៅប្រទេស ដើម្បីមកបម្រើការនៅក្នុងរោងចក្រវិញផងដែរ ។
ឯកឧត្តម អ៊ាង សុផល្លែត ឱ្យដឹងថាក្នុងឱកាសចូលជួបសំដែងការគួរសម នៅភូមិគ្រឹះ ក្នុង រាជធានីភ្នំពេញកាលពីថ្ងៃទី ១៨ ខែមករា ឆ្នាំ២០១១ លោក YOSIHISA KAINLIMA ប្រធានក្រុមហ៊ុន MINEBEA បានជំរាបជូនសម្ដេចអគ្គមហាសេនាបតីតេជោ ហ៊ុន សែន ថា លោកមានភាព កក់ក្ដៅ យ៉ាងខ្លាំងនៅពេលបានធ្វើការពិភាក្សាជាមួយ ថ្នាក់ដឹកនាំកម្ពុជាជាច្រើនរូប ហើយក៏បាន សម្រេច ធ្វើការ វិនិយោគដោយបង្កើតជារោងចក្រផលិតម៉ូទ័រនៅក្នុងប្រទេសកម្ពុជា ។
លោកនាយកក្រុមហ៊ុនជប៉ុនរូបនេះបានថ្លែងថា ក្រុមហ៊ុនរបស់លោកមានលទ្ធភាពក្នុងការ ផលិតម៉ូទ័រ ដែលមានខ្នាតតូចជាងគេបំផុតនៅលើពិភពលោក ហើយដោយយកបំណែករបស់ម៉ូទ័រ ដែល ផលិតដោយក្រុមហ៊ុនផ្ទាល់ពីប្រទេសចិន ម៉ាឡេស៊ី និង ប្រទេសថៃ ជាដើមមកផ្គុំនៅក្នុងប្រទេសកម្ពុជា តែម្ដង ។
ក្រុមហ៊ុន MINEBEA ជាក្រុមហ៊ុនដែលបានចុះបញ្ជីនៅក្នុងទីក្រុងតូក្យូ ប្រទេសជប៉ុនតាំងពីឆ្នាំ ១៩៥១ មកម្លេះ ដោយផលិតជាម៉ូទ័រ ពិដាន ជាមួយផលិតផលផ្សេងៗជាច្រើនទៀតផងដែរ ។ លោក YOSIHISA KAINLIMA ថ្លែងថា ក្រុមហ៊ុនរបស់លោកមានបំណងធ្វើការបណ្ដុះបណ្ដាលធនធាន មនុស្សរបស់កម្ពុជា ហើយក្នុងជំនួបនោះ លោកប្រធានក្រុមហ៊ុនបានសុំអនុសាសន៍ ពីសម្ដេចតេជោ នាយករដ្ឋមន្ដ្រីដើម្បីឱ្យការវិនិយោគរបស់លោកទទួលបានជោគជ័យនោះ។
ពាក់ព័ន្ធជាមួយការបណ្ដុះបណ្ដាលធនធានមនុស្ស សម្ដេចតេជោនាយករដ្ឋមន្ដ្រី បានណែនាំ ឱ្យក្រុមហ៊ុនពិភាក្សាជាមួយ អង្គការ CIKA ដើម្បីធ្វើការផ្សព្វផ្សាយជ្រើសរើសយកសិស្ស និស្សិតដែល បានសិក្សាពាក់ព័ន្ធពីបញ្ហាម៉ូទ័រមកធ្វើបទបង្ហាញ ទៅដល់ជាងដែលកំពុងធ្វើអាជីវកម្មពាក់ព័ន្ធជាមួយ បញ្ហាម៉ូទ័រនេះ ប្រយោជន៍ដើម្បីឱ្យពួកគេបានយល់កាន់តែច្បាស់ឡើងពីដំណើរការផលិតម៉ូទ័រ និង សកម្មភាពធ្វើការរបស់ម៉ូទ័រ ។ សម្ដេចនាយករដ្ឋមន្ដ្រីក៏បានជម្រុញឱ្យក្រុមហ៊ុនបង្កើតកម្មវិធីធ្វើ កម្មសិក្សា របស់និស្សិតតាមសកលវិទ្យាល័យមកកាន់រោងចក្រ ឱ្យមានការសហការជាមួយគណៈកម្មការជាតិ បណ្ដុះបណ្ដាលវិជ្ជាជីវៈ និង CDC ដើម្បីបញ្ជូនគ្រូ និង សាស្ដ្រាចារ្យទៅធ្វើឧទ្ទេសនាមនៅមជ្ឈមណ្ឌល បណ្ដុះបណ្ដាលវិជ្ជាជីវៈ ក៏ដូចជា អញ្ជើញថ្នាក់ដឹកនាំដែលពាក់ព័ន្ធទៅធ្វើទស្សនកិច្ចនៅ រោងចក្រនិង ធ្វើបទឧទ្ទេសនាម ដើម្បីឱ្យពលករទាំងអស់បានចូលរួមថែទាំរោងចក្រ និង ដើម្បីជម្រុញការវិនិយោគ របស់ក្រុមហ៊ុនទទួលបានជោគជ័យផងដែរ៕
